Wednesday, December 25, 2013

Christmas in Gullah Land

'Gullah Christmas' by Diane Britton Dunham

Luke 2:1-14, from ‘De Good Nyews Bout Jedus Christ Wa Luke Write,’ published in 1994 by the American Bible Society.

Een dat time, Caesar Augustus been de big leada, de emperor ob de Roman people.  E make a law een all de town eed de wold weh he habe tority, say “Ebrybody haffa go ta town fa county by de hed an write down enyame.”  Dis been the fus time dey count by de hed, same time Cyrenius de gobna ob Syria country.  So den, ebrybody gone fa count by de hed, to e own town weh e hole people been bon.

Now Joseph same fashion gone from Nazrut town een Galilee.  E trabel ta de town nyam Betlam een Judea, weh de ole people leada, King David, been bon.  Joseph gone dey cause e blongst ta David fambly.  E gone fa count by de hed, an Mary gone long wid um.  She gage fa married um.  An Mary been spectin.  Same time wen dey been dey, time come fa Mary gone een.

She habe boy chile, e fusbon.  Ewrop um op een clothe wa been teah eenta leetle strip an lay um een a trough, de box weh feed de cow and oda animal.  Cause Mary and Joseph beena stay weh de animal sleep.  Dey ain’t been no room fo dem enside de bodin house. 

Now some shephud been dey een de fiel dat night time.  Dey been a stay dey, da mind dey sheep.  Den one angel ob de Lawd appeah ta um.  De night time done lightin op jus like day clean broad.  Dat de glofy ob de Lawd wa shine bout um.  Cause ob dat, de shephud mos scaid ta det.  Bot de angel tell um say, “Mus don’t feah! A habe good nyews.  Cause ob dis nyews, oona gwine rejaice.  All de people gwine rejaice tommuch.

“Cause A come fa tell oona, ‘Right now, dis day, a Sabior done bon fa oona.  He de Promise Chile, Christ, de Lawd.  An e bon een David town!’  A gwine tell oona what oona gwine see dey.  Cause ob dat oona gwine know A done tell oona de trut.  Oona gwine find the childe wrop op een clothe wa been teah eenta leetle strip, an e been leddown een a trough.

All ob a sudden, a heap ob oda angel from heaben been longside dat angel.  Dey all da praise God, say,
“Leh we gee glory to Gad een de mos high heaven.  Leh deh be peace ta dem een de wol wa habe Bod fabor."

Gullah survives on the sea islands and low country of South Carolina and Georgia among the descendants of enslaved Africans brought to work the plantations in the 17th, 18th and 19th centuries.

No comments:

Post a Comment